Осман Дембеле на крајот сепак реши да остане во Барселона. Како што наведуваат каталонските медиуми, агентите на Дембеле и управата на Барса се блиску до конечен договор.
Проблем беа приходите, Дембеле досега имаше годишна заработка од 12 милиони евра што не ја оправда, а дополнително многу играчи се согласија да ги намалат платите поради финансиската криза.
Барса на Дембеле му понуди формула според која тој би имал помала основна плата, околу 7 милиони евра, но преку бонуси, во зависност од игрите и учинокот, може повторно да заработува до 12 милиони евра годишно.
Агентите на Дембеле упорно бараа повеќе пари, Барса ја подигна понудата со вклучен бонус од 4 милиони евра за потпис, затоа што Њукасл му понудил 15 милиони евра.
Сепак, клучниот детал во преговорите е дека ќе потпише и краткорочен договор, на три години, со што Французинот ќе има поголема контрола врз кариерата.
Се очекува Дембеле официјално да го потпише договорот пред Нова година, на 29 декември.
