Oсман Дембеле откри зошто решил да не потпише нов договор со Барселона и покрај тврдењата дека не размислува за заминување. Тој играше одлично минатата сезона и се очекуваше да договори нов договор со клубот.
„Навистина реков дека ќе останам во Барселона, но по контактот со ПСЖ бев убеден дека треба да си заминам“, изјави Дембеле во интервју за „Л’Екип“.
„Килијан не ме убедуваше. Пристигнав во Париз затоа што го сакам клубот. Тоа е француски клуб и јас го сакам. Јас сум од Евро, што не е далеку одовде. Сите таму зборуваат за Пари Сен Жермен. Беше предодредено дека еден ден ќе потпишам со овој клуб“, изјави крилниот напаѓач.
Дембеле не може да го покаже најдоброто за што е способен откако е во ПСЖ.
„Не го оценувам мојот настап според головите што ги постигнувам. Можеби ќе постигнете гол и ќе играте лошо, или можеби нема да постигнете, но ќе одиграте одлично. Ќе ја подобрам мојата статистика. Добро спијам и верувам во моите способности. Кога не ми оди, се обидувам повторно“, истакна Дембеле.
