Баерн Минхен се опорави од шокот и елиминацијата во Купот и му возврати на Фрајбург со минимален триумф (0-1) во првенството. Стрелец на победничкиот гол беше Матијс де Лихт кој во 52.минута упати проектил од далечина и ја затресе противничката мрежа.
По ова, Баерн повторно има два бода предност на врвот, со оглед дека славеше и Борусија Дортмунд (2-1) против Унион Берлин.
Дониел Мален во 28.минута донесе водство за „милионерите“, а израмни Беренс. Сепак, Јусуфа Мукоко со голот во 79.минута се погрижи за триумф на Борусија Дортмунд.
Баер Леверкузен со 3-1 го победи Ајнтрахт Франкфурт, а Келн славеше на гости против Аугсбург со 1-3.
