Претседателот на Наполи, Аурелио Де Лаурентис, остро се пожали на новиот договор за телевизиски пренос на натпревари од Серија А во Италија. Од „Скај“ и „ДАЗН“ ги купија правата за следните шест години, плаќајќи вкупно 4,5 милијарди евра во тој период.
Сепак, италијанскиот шампион беше меѓу трите елитни клубови кои не го поддржаа овој договор.
„Ова е загуба за италијанскиот фудбал, кој ќе умре поради овие понуди. „Скај“ и „ДАЗН“ не се компетентни и не му прават ништо добро на италијанскиот фудбал. Вредноста на нашиот фудбал мора да доаѓа од инвестицијата и навивачите се апсолутното добро. Кога гледам пакети кои вклучуваат Лигата на шампионите, Серија А, серии и емисии, не ја разбирам вистинската вредност на италијанскиот фудбал. „ДАЗН“ го продава заедно со други спортови“, изјави претседателот на Наполи, Аурелио де Лаурентис.
„Беше глупаво да се склучи петгодишен договор со Саудиска Арабија, иако во близина има војна (се однесува на мини-турнирот од Суперкупот на Италија ). „Скај“ и „ДАЗН“ не прават големи инвестиции. Пред некој ден го гледав Арсенал против Челси во Премиер – лигата. После тоа гледав и три натпревари од Серија А. Емитувањето на нашиот фудбал е смешно, но овие телевизии никогаш не ни кажаа за тоа. Постојано зборуваме за вистински стадиони, но никогаш не размислуваме за виртуелните“, прокоментира Де Лаурентис на прес-конференција.
