Де Лаурентис: Го продадовме Елмас зошто сака постојано да биде стартер

Македонскиот репрезентативец Елиф Елмас е пред трансфер од Наполи во бундеслигашот Лајпциг.

Во италијанските медиуми изјава за заминувањето на Елмас даде и првиот човек на клубот, Аурелио де Лаурентис.

„Да, го продадовме Елмас. Тој е некој кој сака постојано да игра. Ми се чини дека Елиф не успеа да разбере дека тој е стартер за тимот дури и кога не игра 90 минути. По неговото заминување ќе мора да донесеме едно или две засилувања за средниот ред“, изјави Де Лаурентис.