Италијанскиот шампион Наполи води со 1-0 против Интер по првото полувреме од дербито на колото во Серија А, но за ова водство се чини дека плати висока цена. Кевин де Бруин, најдобриот фудбалер на „наполитанците“, се здоби со сериозна повреда на десната нога веднаш по погодокот од пенал во 33. минута.
Белгиецот не можеше ниту да се израдува на голот, веднаш се фати за бутниот мускул и сигнализираше дека е повреден. По повредата, тој не можеше да стапне на ногата, што јасно укажува на тоа дека го очекува подолга пауза од терените.
