Искусниот бразилски интернационалец Давид Луиз е на чекор до потпис на договор со италијанскиот калчолигаш Лацио. Тој во моментов е слободен играч со оглед дека неговиот договор со Арсенал истече на 1 јули, а се наоѓа во завршни преговори со „лацијалите“.
Според италијанските медиуми, поранешниот стопер на Челси и ПСЖ ќе потпише договор со Лацио. Тренерот Маурицио Сари инсистира да го доведе на „Олимпико“ во Рим.
Давид Луиз има 57 настапи за бразилската репрезентација и постигна три гола.
