Фудбалската репрезентација на Македонија се подготвува за октомвриските дуели против Летонија и Ерменија, а играчот за врска Давид Бабунски најавува дека нашите фудбалери размислуваат за освојување на максимални шест бода.
„Сигурно правиме добри работи штом од фудбалскиот свет гледаат на нас како фаворити во оваа група, но треба да бидеме скромни и да продолжиме да се бориме за оваа шанса, да направиме нешто многу убаво. Нема да биде лесно особено што играме на гости, денеска сите земји го развиваат нивниот фудбал и тактичкото знаење. Немаме многу време за подготвување, но ќе анализираме да ги најдеме слабите точки на противниците и да ги искористиме. Одиме да ги освоиме сите шест бода“, изјави Давид Бабунски.
Македонија на 10 октомври игра против Летонија во Рига, додека три дена подоцна ќе се сретне со Ерменија во Ереван.
