Младинскиот репрезентативец на Македонија, Дашмир Елези, во новата сезона настапува за косовскиот суперлигаш Приштина.
Тој изминатите шест месеци беше дел од хрватскиот прволигаш Локомотива Загреб, а сега кариерата ја продолжува во Приштина, која денеска официјално го промовираше напаѓачот.
„Имав понуди и од други клубови, но кога стапив во контакт со најголемиот клуб во Косово, не ни размислив двапати. Едвај чекам да заиграм за овој клуб. Сум играл со многу фудбалери од Косово и од Приштина, го познавам локалниот фудбал и со Божја помош верувам дека ќе имаме многу радости и успеси“, изјави Елези.
