Македонскиот репрезентативец Дарко Велковски потпишал нов едногодишен договор со Ријека и ќе остане на „Руевица“ и следната сезона, откриваат хрватските медиуми. Тој три сезони го носи дресот на Ријека, а со клубот ќе настапува и на европска сцена, во квалификациите за Конференциската лига.
Дефанзивецот многу често беше повреден и немаше континуитет во настапите за Ријека во изминатите три сезони каде се пресели од тимот на Вардар.
Од синоќа Велковски е во кампот на националниот тим. Селекторот Игор Ангеловски го направи првиот собир со репрезентативците, а од денеска стартуваат и тренинзите. Македонија се подготвува за историски настап на Европското првенство и се наоѓа во група со Австрија, Украина и со Холандија.
