Дефанзивецот на Португалија, Данило Переира, има три скршени ребра по денешниот тренинг на репрезентацијата на Светското првенство во Катар, објави Ројтерс, повикувајќи се на информации од таборот на Португалија.
Според португалските медиуми, Переира ќе го пропушти крајот на групната фаза на Светското првенство во 2022 година, а неговото учество во следната фаза, доколку Португалија се пласира, исто така е сериозно неизвесен.
Португалија ја предводи групата Х, откако ја победи Гана со 3-2 на првиот меч и се соочува со Уругвај во нивниот втор натпревар во Катар во понеделник.
