Селекторот на фудбалската репрезентација на Хрватска, Златко Далиќ го објави конечниот список на играчи кои ќе ги води на Светското првенство во Катар. Првиот натпревар Хрватска го игра на 23 ноември против Мароко, четири дена подоцна ќе се сретне со Белгија и на 1 декември ќе игра против Канада.
Далиќ пред девет дена пред јавноста претстави поширок список на кандидати. На тој список имаше 34 играчи, што значи дека осуммина од нив отпаднаа.
„Оптимист сум, верувам во нашата репрезентација. Верувам во мојот кадар и мојата работа. Мора да бидеме реални и објективни. Десет или 12 репрезентации се надеваат дека ќе бидат светски шампиони. Одиме чекор по чекор, имаме голема самодоверба по натпреварите од Лигата на нации. Нема притисок, но и нема голема еуфорија. Првиот меч секогаш е најважен“, изјави Далиќ.
