Македонскиот репрезентативец Дарко Чурлинов и официјално се врати во Шалке. Тој доаѓа како позајмен играч до крајот на сезоната, со опција и за комплетен откуп на договорот.
Спортскиот директор Марк Вилмотс е среќен што успеа да го врати Дарко Чурлинов.
„Дарко е токму таков играч што сакавме да го доведеме во зимскиот трансфер прозорец. Никогаш досега не сум видел играч толку мотивиран и подготвен за предизвик како што е сега. Тој ќе ги плени и тимот и навивачите. Сигурен сум во тоа откако разговарав лично со Дарко Чурлинов и поради сите информации што ги собравме за него“, изјави Марк Вилмотс.
Тренерот Карел Герертс очекува Чурлинов да донесе голем квалитет во тимот.
„Неговата разновидност и креативност ќе ни обезбедат нови опции. Зборував многу со тренерот на Барнли, Винсент Компани за фитнесот нивото на Дарко. Тој потврди дека Чурлинов целосно тренирал со тимот во последните три месеци и дека играл и за резервите. Нашите тестови ги потврдија овие позитивни резултати“, додаде главниот тренер Карел Гераертс.
Чурлинов, кој ја помина сезоната 2021/22 на позајмица во Шалке, е среќен што се враќа во Гелзенкирхен.
„Задоволен сум што се враќам во Шалке, секогаш останав во контакт со клубот и навивачите. Сакам сега да му оддолжам на клубот за нивната верба во мене – по можност со голови, асистенции и, пред сè, со победи“, истакна Дарко Чурлинов.
