Мерт Гунок, голманот на Турција, со чудесна одбрана во петтата минута од судиското продолжение ја спаси победата над Австрија (2:1) за пласман во четвртфиналето на ЕВРО 2024.
Турција победи во последниот натпревар од осминафиналето. Мерих Демирал постигна два гола за еден од најголемите успеси во турскиот фудбал, но ако не беше голманот, којзнае дали Турција ќе се пробиеше меѓу осумте најдобри.
Гунок неколку пати добро бранеше против Австрија, но она што го направи пред крајот на судиското продолжение беше чудесно. Кристоф Баумгартнер шутираше со глава од само два метра, но Гунок со неверојатна одбрана ја спаси победата вредна четвртфинале.
Статистичарите пресметале дека австрискиот удар со глава имал xG вреден 0.94. Со други зборови, голманот имал само 6% шанси да го одбрани.
