Шпанија стави крај на бајката на Грузијците на ЕВРО 2024. „Црвената фурија“ славеше убедлив триумф од 4-1 и се пласира во четвртфиналето каде ќе се сретне со Германија, на 5. јули во Штутгарт.
Грузија успеа да изненади на почетокот и поведе во 18.минута со автоголот на Ле Норманд. Но, Родри израмни во 39.минута, а во вториот дел Шпанија постигна уште три гола.
Фабијан Руиз во 51.минута се погрижи за пресврт, Нико Вилијамс зголеми на 3-1 по една соло акција во 75.минута, а точка на убедливиот триумф стави Дани Олмо во 83.минута од дуелот.
