Светскиот првак Франција в недела ќе ги одмери силите со Аргентина во финалето на Светското првенство во Катар, а тоа ќе биде и мегадуел на Лионел Меси и Килијан Мбапе, кои се соиграчи во ПСЖ.
И додека Антоан Гризман смета дека Лео Меси е најдобриот фудбалер во светот, Орелиен Чуамени не се согласува
„Гризман рече дека Меси е најдобриот фудбалер во светот? За мене тоа е Килијан Мбапе. И сакам тоа да им го докаже на сите во следниот натпревар, токму против Меси“, изјави Чуамени.
Меси и Мбапе го делат првото место во листата на најдобри стрелци во пресрет на последниот натпревар од првенството. Во првите шест натпревари од натпреварувањето постигнаа по пет гола.
