Англискиот премиерлигаш Челси се пласира во четвртфиналето на Лигата на шампионите откако со две победи го елиминира Атлетико Мадрид. Тимот на Томас Тухел славеше со 2-0 на домашен терен, откако претходно победи 0-1 и на првиот меч.
Составот на Тухел игра неверојатно во одбраната и веќе 10 часа нема примено гол, Поточно, на 597 минути мрежата на Челси не се тресела. Германскиот стратег комплетно ја промени филозофијата на претходникот Франк Лампард. Тимот што примаше многу голови под негово водство сега е речиси несовладлив.
Откако дојде Томас Тухел, Челси одигра вкупно 13 натпревари, а на 11 од нив успеа да ја сочува мрежата празна.
