Англискиот премиерлигаш Челси одржал првични разговори со Баерн Минхен за можен трансфер на напаѓачот Садио Мане. Разговорите се одржале на 7 мај во Минхен. Во моментов Челси е фаворит за потписот на сенегалскиот напаѓач.
31-годишниот Мане е во Баерн Минхен од летото 2022 година, кога им се приклучи на Баварците од Ливерпул.
Кариерата на крилниот напаѓач на „Алијанц Арена“ не мина најдобро. Тој имаше повреди во текот на целата сезона и беше вмешан во скандал пред неколку недели откако го удри соиграчот Лерој Сане по поразот на Баерн Минхен од Манчестер Сити во Лигата на шампионите, по што беше строго казнет од клубот.
Договорот на играчот со германскиот тим е до 2025 година, но тој повеќе би сакал да замине по само една сезона.
Садио Мане оваа сезона има 36 настапи во сите натпреварувања, постигна 12 гола и забележа пет асистенции.
