Челси го загуби финалето на ФА купот на Англија од Лестер, но му возрати на овој ривал во битката за пласман во Лигата на шампионите. Тимот на Томас Тухел ги совлада „лисиците“ со 2-1 на „Стемфорд бриџ“ и е многу блиску до остварување на целта.
Антонио Рудигер во 47.минута го отвори резултатот, а Жоргињо во 66.минута од пенал зголеми на 2-0. Келечи Ихеаначо десет минути подоцна го врати Лестер во живот, но тимот на Брендан Роџерс не успеа да стигне и до реми.
