Челси го договори и Саул Нигез

Европскиот првак Челси успеа да го договори доаѓањето на Саул Нигез на позајмица од Атлетико Мадрид. Англискиот премиерлигаш ќе плати 5 милиони евра за едногодишната позајмица, а Томас Тухел ќе го добие посакуваното засилување во средниот ред.

Саул претходно ги договори личните услови и ќе пристигне на „Стемфорд бриџ“ за потпис на договорот. Шпанскиот репрезентативец ќе го напушти Мадрид после повеќе од девет години.