Челси е прв финалист во Лига купот на Англија откако го декласира Мидлсборо со 6-1 на „Стемфорд бриџ“ во реванш мечот од полуфиналето. Гостите дојдоа со предност од 1-0 по првиот дуел, но брзо потклекнаа.
Хоусон си даде автогол, Енцо Фернандез зголеми на 2-0, а Дисаси и Кол Палмер се погрижија Челси да води со 4-0 по првиот дел.
Палмер и Мадуеке стрелаа во второто полувреме, а единствениот гол за гостите го постигна Морган Роџерс во финишот.
