Поранешниот македонски селектор Чедомир Јаневски би можел да се врати на Кипар и да го преземе кормилото на АЕЛ Лимасол, тимот каде настапуваат Кире Ристевски и Давор Здравковски. Неговото име е меѓу најсериозните кандидати за наследник на досегашниот тренер Душан Керкез кој доби отказ.
Јаневски во моментот е асистент во стручниот штаб на Јужна Африка, а на Кипар работеше во Етникос Ахна, Енозис и во Олимпијакос Никозија.
АЕЛ Лимасол во моментот се наоѓа на деветтото место на табелата во првенството на Кипар и има четири порази во последните пет кола.
