Легендарниот голман на Италија и долгогодишен член на Јувентус, Џанлуиџи Буфон, размислува да се впушти во нова авантура на крајот од кариерата.
Голманот кој оваа недела ќе наполни 44 години, сериозно размислува да му се приклучи на канадскиот клуб Торонто по завршувањето на сезоната во Серија Б, каде моментно настапува за Парма.
Буфон има договор до 2023 година, но е во искушение од можноста да ја одигра последната сезона во странство. Торонто веќе го купи капитенот на Наполи, Лоренцо Инсиње, кој од следната сезона ќе игра во МЛС – лигата на САД.
