Британската влада ги осуди навивачите на Челси кои го скандираа името на сопственикот на клубот Роман Абрамович. Навивачите на гостувањето кај Барнли дадоа неколкуминутен аплауз и го извикуваа името на рускиот олигарх.
Владата на Велика Британија му воведе санкции на Абрамович. Тој реши да го стави клубот на продажба, а целата ситуација само ја зацврсти врската со навивачите.
Од владата соопштија дека не се против продажбата на клубот.
„Отворени сме за продажба на клубот, подготвени сме и да ја смениме лиценцата (според која клубот е овластен да продолжи со работа) со што би се овозможила нејзина реализација, доколку околностите го дозволат тоа“, посочи портпаролот на британската влада.
