Македонскиот прволигаш Брера доведе ново засилување. Тоа е 23 – годишниот нигериски интернационалец Ибрахим Олаосебикан. Станува збор за централен играч за врска кој минатата година настапуваше за литванскиот тим Судова за кој одигра 34 натпревари во литванската лига и националниот Куп, при што постигна два гола, а имаше и три асистенции.
Олаосебикан својата карирера ја почнува во нигерискиот Реал Сафире, а во Литванија преминува во 2021 година каде освен во Судова има настапувано и во Хегелман.
Ибрахим има одлични физички предиспозиции, брзина и одличен преглед на играта.
„Воодушевен сум што сум овде во Струмица. Ви благодарам за топлиот прием за моето доаѓање. Тука сум да го поддржам тимот за да ги постигнеме целите заедно. Верувам дека моите вештини ќе бидат одлично дополнување на тимот“, изјави Ибрахим Олаосебикан.
