Брера ги почна подготовките за новата сезона (ФОТО)

Фудбалерите на АП Брера денеска под водство на тренерот Панче Стојанов го започнаа подготвителниот период за новата сезона во Првата македонска фудбалска лига.

Стојанов, кој се приклучи на струмичкиот прволигаш во април годинава, ќе ја продолжи својата работа со тимот и во новата натпреварувачка сезона.

Првата етапа од подготовките ќе се одржи во базата во Струмица, по што следува вториот дел во Банско, каде што тимот ќе одигра неколку контролни средби.