Македонскиот прволигаш Брегалница е во итна потрага по нов шеф на стручниот штаб откако вчера се раздели со тренерот Илчо Ѓорѓиоски. Тој поднесе оставка, заедно со спортскиот директор Никола Тонев, а раководството на клубот ја прифати.
Коис е следните чекори за штипскиот тим? Публиката во Штип е специфична, секогаш бара повеќе, некогаш и нереално повеќе, па таму најдобро може да вирее „домашен“ стратег. Токму затоа најсериозни кандидати за преземање на тренерската позиција во Брегалница во моментот се Никола Кузманов и Влатко Костов.
И двајцата се докажани стратези, Никола Кузманов лани имаше одлична сезона со Слога Виница, но замина откако увиде дека за оваа сезона амбициите сепак не се поклопуваат со неговите ставови.
Влатко Костов ја почна сезоната како тренер на Тиквеш, но замина откако немаше очекувани резултати на почетокот на шампионатот.
