Брегалница продолжува со пополнување на играчкиот кадар за враќањето на прволигашката сцена. Ангажирано е петтото засилување, Стефан Коцев, кој всушност се враќа во штипскиот прволигаш.
27-годишниот Коцев кој е дете на фудбалската школа на Брегалница, повторно се враќа во својот клуб по интернационалната кариера. Изминатава сезона настапуваше за косовски Призрен, а претходно беше дел и од грчки Аспропиргос како и од косовскиот прволигаш Лирија. На домашната сцена, покрај за Брегалница, од 2018 до 2020 година настапуваше и за кратовски Силекс.
„Продолжуваме со основната определба околу креацијата на новиот состав единствено со докажани имиња кои треба да донесат нов квалитет во нашиот тим. По Бобан Георгиев во својот клуб враќаме уште едно штипско дете, веќе докажан интернационалец изминативе години“ – изјави спортскиот директор на Брегалница, Никола Тонев по потпишувањето на договорот со Коцев.
Од претходно, како што е познато, нови членови на Брегалница се и поранешниот бугарски репрезентативец Иван Минчев, кој игра во средниот ред, како и крилниот офанзивец Бобан Георгиев кој пристигна од редовите на Борац Бања Лука. Засилена е и одбраната со македонскиот дефанзивец Даниел Мојсов и Хрватот Антонио Азиновиќ.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski