Легендата на бразилскиот фудбал Марио Загало беше отпуштен од болница во неделата по 12-дневнo лекување поради респираторна инфекција. Загало, првиот човек кој ја освоил светската титула и како играч и како тренер, ќе може да го прослави својот 91. роденден во вторник дома, откако на 26 јули беше примен на интензивна нега во болницата „Бара Д’Ор“во Рио де Жанеиро.
„По неколку дена лекување, веќе сум многу подобро. Ви благодарам за поддршката! Сега треба повторно да ме трпите!“, истакна Марио Загало.
