Капитенот на Македонија ЃП, Боби Божиновски, верува дека „лавовите“ можат да приредат изненадување на утрешниот прв меч од квалификациите за Лигата на Европа против Алашкерт. Македонскиот тим ја има улогата на аутсајдер на гостувањето во Ерменија, но „лавовите“ од Ѓорче Петров се оптимисти дека ќе можат да стигнат до позитивен резултат.
“Алашкерт е благ фаворит на хартија, но ние ќе покажеме дека на терен тоа не значи ништо. Овој натпревар можеби и нема да има многу фудбалска убавина, туку напротив, силна борба на секој дел од теренот. Се надевам дека ние ќе излеземе како победници од таа борба и ќе извлечеме позитивен резултат во првите 90 минути од овој двомеч, а тоа би значело се освен пораз“ – истакна капитенот Боби Божиновски.
Натпреварот меѓу Алашкерт и Македонија ЃП се игра утре со почеток во 17 часот.
