Искусниот голман Даниел Божиновски не го напушта Силекс кога му е најтешко. Тој одлучи да ја прифати понудата на кратовскиот клуб и да остане дел од тимот и во Втората лига.
Божиновски дефинитивно ќе биде големо засилување за составот на Горазд Михајлов. По испаѓањето од елитата, Силекс се соочува со раскинати договори на сите фудбалери, но дел од нив имаат волја да останат и да помогнат клубот експресно да се врати на прволигашката сцена.
Силекс ќе биде второлигаш, но претходно ќе игра во квалификациите во Конференциската лига, со оглед дека го освои трофејот во Купот на Македонија.
