Новиот македонски прволигаш Арсими го најави своето ново засилување за сезоната 2025/26 – станува збор за босанскиот фудбалер Армин Бешагиќ, кој треба да го засили средниот ред на тимот.
Бешагиќ речиси целата своја досегашна кариера ја има поминато во Босна и Херцеговина, играјќи за клубови како Сараево, Искра, Бихаќ и Игман Коњиц, со што носи искуство и стабилност во тимот на Арсими.
Од клубот му посакаа добредојде, со надеж дека ќе биде вредно засилување за тимот, кој има јасна цел – да се задржи што подолго во Првата македонска фудбалска лига и да се наметне како конкурентен тим.
