Борусија Дортмунд официјално се раздели со тренерот Нури Шахин, објави „Скај Спорт Германија“. Одлуката на раководството била соопштена на тренерот и неговиот стручен штаб веднаш по поразот од 1-2 против Болоња во Лигата на шампионите. Ова беше четврти последовен пораз за тимот во сите натпреварувања.
Нури Шахин, кој има 36 години, го презеде водството на Борусија во летниот преоден период. Под негово раководство, тимот одигра 27 натпревари, постигнувајќи 12 победи, 4 нерешени резултати и 11 порази. Во моментот, Борусија се наоѓа на десеттото место во Бундес-лигата со освоени 25 бода.
Тренерската промена доаѓа по серијата негативни резултати, што предизвика зголемени критики и притисок врз Шахин и тимот.
Како најсериозен кандидат за нов тренер на Борусија Дортмунд се споменува Ерик Тен Хаг, поранешниот менаџер на Манчестер Јунајтед.
