Напаѓачот на Борусија Дортмунд, Карим Адејеми, ќе биде надвор од терените околу три недели, соопшти германскиот клуб. Играчот има скинати мускулни влакна по победата од 4-1 над Херта.
21-годишниот германски интернационалец го постигна првиот гол во 27. минута, а четири минути подоцна асистираше за вториот гол на натпреварот.
Повредата на Адејеми значи дека тој ќе го пропушти и осминафиналето од Лигата на шампионите против Челси на 7 март во Лондон. Токму тој го постигна единствениот гол во успехот на „жолто-црните“ со 1-0 на првиот меч.
