Есенскиот хит Македонија ЃП некако се уште е во зимски сон. Барем ако се во прашање резултатите во првите две пролетни кола. Ако ремито во Струга (1-1) и не е лош резултат за тимот на Жикица Тасевски, тогаш денешниот дуел без голови против Борец дефинитивно не беше желба на „лавовите“.
Многу борба, дуели, желба постоеше, но мрежите останаа да мируваат. Борче Христов го освои првиот бод како тренер на Борец, успеа набрзина да состави тим по турбуленциите што ги имаа велешани со промената на сопственичката структура.
