Разделбата меѓу Борец и тренерот Јане Николоски не е конечна, тврди велешкиот прволигаш. Тој во моментов не ги извршувал своите активности со тимот поради здравствени причини.
„Ги демантираме сите вести во врска со нашиот тренер Јане Николоски. Тој е тренер на Борец, причините што нема да биде присутен се здравствени проблеми“, информираат од клубот.
Во моментот Борец го предводат Марјан Герасимовски и Благој Левков. Велешкиот тим во 16.коло на домашен терен го пречекува составот на Македонија ЃП.
