Борец и пелистер ремизираа без голови во последниот меч од 24.коло во Првата фудбалска лига. Битолскиот тим продолжува со добрите игри оваа пролет, додека и за Борец ремито е добар епилог, ако се знае дека приоритет на клубот по бурните денови во зимскиот преоден рок и промената на сопственикот е да обезбеди опстанок во елитата.
Борец може да жали и за триумфот, со оглед дека Ѓорѓиев ја погоди стативата по еден час игра. Омерагиќ шутираше во голманот Талески, а Ѓорѓиев одбиената топка ја испрати само во рамката од голот. Велешани имаа две убави шанси, но одбраната на Пелистер успеа да издржи и да освои бод.
