Болоња продолжува со одлични игри во Серија А оваа сезона. Тимот на Тијаго Мота го победи Наполи со 0-2 на стадионот „Диего Армандо Марадона“ во Неапол. Болоња со овој триумф е на чекор да го потврди пласманот во Лигата на шампионите следната сезона.
Дан Ндоје во деветтата минута донесе водство за Болоња, а само три минути подоцна Стефан Пош зголеми на 0-2.
Матео Политано во 21.минута пропушти да реализира пенал, па беше јасно дека „наполитанците“ ќе мораат да ги препуштат бодовите.
Наполи се наоѓа на осмата позиција и има разочарувачка сезона по минатогодишниот шампионски блесок.
