Еуфорија владее во Аргентина откако најпознатиот клуб Бока Јуниорс влезе во финални преговори за ангажман на двајца уругвајски репрезентативци. Единсон Кавани и Лукас Тореира се трансферните желби на Бока.
Директорот Хуан Роман Рикелме сака да го доведе напаѓачот на Манчестер Јунајтед, Единсон Кавани. Му нуди тригодишен договор и плата од 4 милиони евра по сезона. Покрај познатиот „Ел Матадор“, во Буенос Аирес треба да пристигне и Лукас Тореира.
Играчот за врска е член на Арсенал кој замина на позајмица во Атлетико Мадрид, но и таму не доби вистинска шанса.
