Фудбалската репрезентација на Македонија ја оствари првата победа во квалификациите за СП 2022 во Катар откако на Националната арена „Тодор Проески“ во Скопје ја декласира селекцијата на Лихтенштајн со 5-0. Избраниците на селекторот Игор Ангеловски прикажаа блескава партија и до врв ја наполнија мрежата на гостите.
Енис Барди во седмата минута од слободен удар го изненади Бенјамин Бухел, а пет минути подоцна ја погоди и гредата. По половина час игра се закани и капитенот Горан Пандев, но голманот на гостите одбрани.
Инвазијата продолжи во второто полувреме. Александар Трајковски за три минути постигна два гола и ги разреши сите дилеми околу победникот, во 51. и во 54.минута.
Елиф Елмас беше стрелец на четвртиот гол за Македонија во 62.минута, а Илија Несторовски со „паненка“ од пенал во 82.минута го постави конечниот епилог.
Македонија в среда го игра третиот меч од овој квалификациски циклус, против Германија во Дуисбург.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
Ексклузивна колумна на Филип Лам: Фудбалот е богатство, различност, демократија, и може да ве направи бесмртен
ФУДБАЛОТ Е ЕВРОПСКА ИГРА Фудбал се игра насекаде низ светот, но Европа со сигурност...
Автор makfudbal