Благојче Дамевски ќе биде новиот шеф на стручниот штаб на Победа. Тој во пролетниот дел од првенството ќе се обиде да му обезбеди опстанок на прилепскиот прволигаш.
Дамевски, кој е поранешен долгогодишен капитен на Победа, беше дел од стручниот штаб на тимот и во есенскиот дел од шампионатот, а сега по заминувањето на Бобан Бабунски ќе ја преземе палката.
Бабунски замина од Победа на едно коло пред крајот од есента поради финансиски проблеми, а денеска е именуван за нов тренер на Пелистер.
Првата прозивка на Победа ќе биде на 9.јануари.
