МАКФУДБАЛ во Разград,
Групата е израмнета, а фаворитите се докажуваат на теренот. Така размислува селекторот на фудбалската репрезентација на Македонија, Благоја Милевски, во пресрет на утрешниот меч против Бугарија, на стартот од новото издание во Лигата на нации.
„Фаворити нема во денешниот фудбал, најважно е да се одигра максимално и да се задржи фокусот во текот на целиот меч. Секако дека наша цел е на крајот да го освоиме првото место, а верувам дека сме подготвени за овој предизвик. Што се однесува до можните провокации, не ги очекувам. Ние сме спортски работници и си ја вршиме својата работа. Без разлика на тоа што ќе дојде од трибините, ние секогаш максимално гордо ќе ја претставуваме Македонија. Ја анализиравме Бугарија, имаат квалитетен тим, а секој натпревар е приказна за себе“, изјави селекторот Благоја Милевски.
