Португалскиот тим Санта Клара е новиот предизвик за Шкупи во второто коло од Конференциската лига на УЕФА. Првиот натпревар од овој двомеч ќе се игра во Скопје в четврток, на арената „Тодор Проески“, а чаирани ја одредија цената на влезниците.
Љубителите на фудбалот ќе можат да го следат мечот меѓу Шкупи и Санта Клара за цена од 200 денари. Вечерва до 20 часот билетите ќе се продаваат во скопската чаршија, додека утре продажбата ќе се одвива од 15 до 22 часот.
Натпреварот меѓу Шкупи и Санта Клара е закажан за в четврток со почеток од 20 часот, а реваншот е во Португалија седум дена подоцна.
