Шкендија ги задржа во своите редови двајцата искусни фудбалери Бесарт Ибраими и Арменд Алими. Напаѓачот кој ги урива голгетерските рекорди во македонскиот шампионат и фудбалерот за врска од кого зависи играта на целиот тим на Шкендија потпишаа нови договори и се „заколнаа“ на верност до јуни 2022 година.
„Шест прекрасни години исполнети со трофеи и многу убави моменти на домашна и на европска сцена создадоа огромна поврзаност меѓу мене и Шкендија. Одлучив да ја продолжам соработката и за наредниот двегодишен период и сега се фокусираме на следните искушенија“, изјави Арменд Алими.
Бесарт Ибраими се надева дека ќе постигне уште многу голови во дресот на Шкендија.
„Шкендија е моја страст и немав многу дилеми дали да го продолжам договорот иако имав и некои други понуди. Се уште сум гладен за голови и се надевам дека заедно ќе освоиме уште многу трофеи“, изјави Бесарт Ибраими.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski