Англискиот премиерлигаш Њукасл сака на најдобар можен начин да го искористи зимскиот преоден рок за да го засили тимот за вториот дел од сезоната. „Чавките“ грчевито се борат за опстанок во Премиер – лигата, а богатите сопственици не жалат средства за да доведат квалитетни засилувања.
Менаџерот Еди Хау сака да ја засили и голманската позиција, а изборот падна на германскиот интернационалец Бернд Лено. Тој го загуби првотимскиот статус во Арсенал по доаѓањето на Арон Ремсдејл и би сакал да најде клуб каде стандардно ќе брани. Њукасл се чини како идеална опција за него.
