Италијанскиот калчолигаш Јувентус планира да ангажира крилен напаѓач во јануарскиот преоден рок. Еден од кандидатите е играчот на Манчестер Јунајтед, Џејдон Санчо, кој беше суспендиран од клубот поради дисциплински прашања во септември.
Сепак, Санчо е број два на потесната листа. Прва цел е Доменико Берарди од Сасуоло.
Јувентус го преферира Берарди бидејќи е веќе адаптиран во Серија А. Покрај тоа, се очекува 29-годишниот Италијанец полесно да се договори за условите со гигантот од Торино.
Сезонава Берарди има седум постигнати гола и три асистенции на 13 натпревари за Сасуоло. Неговата вредност е проценета на 20 милиони евра.
