Бензема се заразил со Ковид-19

Француската ѕвезда Карим Бензема покажал позитивен тест на Ковид-19 и во наредниот период ќе мора да остане во изолација, соопштуваат медиумите во Саудиска Арабија.

Тој ќе мора најмалку седум дена да отсуствува од тренажниот процес и да чека негативен тест за да им се придружи на соиграчите.

Неговиот тим Ал-Итихад се наоѓа на втората позиција на табелата во првенството на Саудиска Арабија со 19 бода, еден помалку од лидерот Ал-Хилал.