Реал Мадрид со минимален триумф над Осасуна (1-0) на „Сантијаго Бернабеу“ ја започна новата сезона во Ла Лига. „Кралевите“ славеа во последниот натпревар од колото, но далеку потешко од очекуваното. Сепак, Чаби Алонсо дебитираше со победа.
Домашниот тим имаше апсолутна контрола и создаде бројни шанси, но не успеваше да го најде патот до мрежата од игра. Решавачки момент донесе Килијан Мбапе, кој со легендарната „десетка“ на грбот беше херојот на Мадрид.
Французинот во 51. минута сигурно реализираше пенал и го запиша единствениот гол на натпреварот, осигурувајќи три бода за Реал на стартот на сезоната.
Во следното коло Реал Мадрид гостува кај повратникот Овиедо, додека Осасуна ќе игра на домашен терен против Валенсија.
