Карим Бензема официјално побара веднаш да ги напушти Ал-Итихад и Саудиска Арабија во целина, пренесе АФП. Напаѓачот објасни дека засега само инсистира на привремена разделба. Во оваа насока, му било понудено да остане во земјата со трансфер во друг клуб, но тој рекол „не“.
Како што е познато, 36-годишниот стрелец не замина на камп со својот тим и остана во Ријад на состанок со раководството за да се разјасни неговата иднина. Французинот беше категоричен дека сака промена и разделба.
Ал-Итихад се обиде да го разубеди нудејќи му позајмица во некој од другите саудиски тимови, но тој одби. Така, единственото нешто што остана на дневен ред е трансфер во клуб надвор од Саудиска Арабија.
Бензема минатото лето го засили Ал-Итихад на слободен трансфер откако му истече договорот со Реал Мадрид.
Засега најсериозен интерес за него покажа неговиот матичен клуб, францускиот прволигаш Лион.
