Претседателот на Бенфика, Руи Кошта, ја објави оставката на Роџер Шмит од тренерската позиција на тимот.
„Роџер Шмит веќе не е главен тренер на Бенфика, го потврдувам тоа. Би сакал да му се заблагодарам за сите напори и труд што ги вложи во нашиот клуб. Одлучивме дека е време да го смениме тренерот. Сега веќе гледаме кон иднината и работиме на ангажман на нов тренер, за кого сите ќе дознаат во блиска иднина“, изјави Руи Кошта, цитиран од „Рекорд“.
Бруно Лаге, кој веќе беше тренер на „орлите“ од 2019 до 2020 година, е фаворит да ја преземе позицијата.
Роџер Шмит ја водеше Бенфика од летото 2022 година. Под негово водство, тимот од Лисабон стана шампион на Португалија во сезоната 2022/23 и го освои Суперкупот на земјата во 2023 година.
